Batsamaise ba setheo ba ba elang tlhoko go tsamaisiwa ga ditlamo tsa boditshaba mo Afrika Borwa, Bench Mark Foundation ba ikuela go bathati ba puso go rwesa batsamaisi ba meepo maikarabelo a badiri ba meepo ba ba seng mo molaong. Seno se latela go konosediwa ga tiro ya letsholo la go ntsha badiri ba moepo ba seng mo molaong kwa go nngwe ya dishaft tsa moepo wa kwa Stilfontein mo province ya North West. Ba Bench Mark Foundation ba re batsamaisi ba meepo ba tshwanela ba netefatse fa ba tswala meepo e e sa tlholeng e dira.