Die Nobel-pryswenner vir letterkunde, Nadine Gordimer, sê sy betreur die situasie van totale wanorde in Suid-Afrika se onderwysstelsel. Gordimer het in 'n ekslusiewe onderhoud met SAUK Radionuus haar verontwaardiging uitgespreek oor die handboek-skandaal wat die land teister.  Wat vryheid van uitdrukking betref, glo sy dat president Jacob Zuma self verantwoordelik is vir enige beweerde aantasting van sy waardigheid in kunswerke wat hom uitbeeld. Sy sê ook sy sal voortgaan om die sogenaamde geheimhoudingswetsontwerp te opponeer. Nadine Gordimer het met Angie Kapelianis gepraat, wat hierdie verslag vir ons saamgestel het.

Die Monitorspan hou jou op hoogte met die jongste plaaslike en internasionale nuusgebeure.

Advertisement