Kubikwa kutsi tigulane atilutfoli lusito lwetemphilo esibhedlela iThemba, Kabokweni dvute ne Whiteriver kulesifundza se Mpumalanga. Loku kuta ngemuva kwemibiko letsi kufike licembu lebantfu kulesibhedlela lebelikhala ngendlela lekukhishwa ngayo emathenda. Lomunye walamalunga emphakatsi lafike kulesibhedlela, Majaheni Nyalunga, uyaticitsa tinsolo letitsi bafike bashaya dokotela kulesibhedlela. 

Live lase-Kenya ltfule umgomo lotsi bantfu balelive le Ningizimu Africa laba nema-pPassport, nalamanye emave lasitfupha angeke basabhadale nabangena kulelalive. Lesincumo kutsiwa sentelwe kuheha tivakashi kanye nebasisitimali. Simeme umhlatiyi wetembangave Professor Bheki Mngomezulu kutobuka naye loludzaba.

I ANC itsi kwesekela ngetimali tinhlelo tekwakhiwa kwetinsitanchanti tagezi yintfo lehamba embili kulenhlangano lebusako futsi yintfo letawusita lelive likwati kubukana nalenkinga yekucinywa kwagezi. Lenhlangano beyitfula umhlahlandlela wayo welukhetfo kulempelasontfo lapha enkundleni yetemidlalo iMoses Mabhida eThekwini. Simeme Mthundzi Luthuli longunjiniyela kutemandla kutokhulumisana naye ngaloludzaba..

Lomunye walemindeni yalabantfu lebashone kulengoti yebhansi yakaPutco utsi kuyabamangalisa kwekutsi hulumende atjelwe ngulenkapani kutsi abakhalise ngayiphi indlela. Sikhulumisene nalomelele lomunye walemindeni, Owen Gabhini.

Inkapani yemabhasi iPUTCO seyitibophelele ngekunikela ngemali lengu R100 000.00 emndenini ngamunye walabantfu labasitfupha lebashone engotini yebhansi leyentenge ngasekupheleni kwalenyanga lefile. Sikhulume naNdvunankhulu Refilwe Mtshweni-Tsipane ngalendzaba.

Sicala liviki lekukhutsata kubaluleka kwekuvikeleka kwebantfwana. Lucwaningo lakamuva lwenhlangano yaMhlabuhlangene kuleli, iUNICEF South Africa, luveta kutsi libonakele lenyuka lizinga lekuhlukunyetwa kwebantfwana kusukela kubhedvuke lomkhuhlwane we Covid 19 kulelive. Kuyibuka kabanti lendzaba sikhulumsina naLizzy Nyoni lophuma etikweni letekutfutfukisa tenhlalo kulesifundza seMpumalanga.

Lelihhovisi lelibukene netikhalo tebatsengi kantsi liphindze lingenelele nakunetinkinga emkhatsini kwemtsengi nemtsengisi i-Consumer Goods and Services Ombud (i-CGSO), lecwayisa bantfu ngebungoti bekutsenga tintfo on-line noma ngetinhlelo tebucwepheshe. Elucingweni sinalokhulumela lelihhovisi, Ouma Ramaru.

Litiko letemfundvo kulesifundza seMpumalanga livakashela tikolo letingu-128 letingemavulandlela etifundvo te-Coding and Robotics. Tiphatsimandla titawube tihambisana naPapper the Robot lophuma kulelitiko. Kutosichazela kabanti ngaloku sicele Umcondzisi wetifundvo tetibalo netesayensi, Umnuzane Elijah Nkosi.

Mengameli Cyril Ramaphosa wecwayise ngekutsi lokuhlasela lihlandla lesitsatfu kwe-coronavirus kungahle kubonakale kulo lonkhe lelive njengoba tifundza letine setivele tibukene nalelihlandla lesitsatfu. Sicocisene nesati setembangave Dr Siphetfo Dlamini mayelana nenkhulumo yemengameli yekubuyisela lelive ku-level 2 ye-lockdown.

Kutfolakala kwemphatsiswa wetemphilo eGauteng Dr Nomathemba Mokgethi kutsi utseleleke ngemkhuhlane we-Covid 19 kantsi ungulomunye walabo lakwacalwa ngabo kugoma kubange bantfu kutsi bangabate kusebenta kwalemigomo yalomkhuhlane. Sicele Dr Brenda Kubheka loyincenye yelicemu lelilwa nalomkhuhlane eGauteng kutosichazela ngekusebenta kwalemigomo yeCovid 19.

Kwetfulwe ngalokusemtsetfweni iMpumalanga Chamber Orchestra ngenhloso yekutfutfukisa emakhono ebadlali baloluhlobo lomculo kanye nekunandzisa nakunemicimbi lekhetsekile. Umcondzisi we-Mpumalanga Chamber Orchestra Zweli Mdakane uchaza ngalokusungulwa kwalekhwaya yetemculo.

Njengoba lelive libukene nemkhuhlane weCovid-19, bodokotela lebasebenta ngekukhutsata kutivocavoca becwayisa ngekubaluleka kwekugcina emaphaphu angumcemane kuze akhone kumelana nalomkhuhlane. Sikhulumisene ne physiotherapist Thobani Lubisi.

I South African Medical Association (SAMA) iphakamisa kwekutsi kungetwe tindzawo letitawusetjentiswa kugomela lomkhuhlane weCovid-19. Sicele lisekela lasihlalo weSAMA, Dr Mvuyisi Mzukwa kutokhuluma naye lendzaba.

Litiko lemfundvo lesisekelo limemetele ngekumiswa kwemidlalo lebanga kuyamana noma kuntsintsana kwebadlali etikolweni. Lokhulumela lelitiko Elijah Mhlanga uyayichaza lendzaba.

Litiko letemasiko, temidlalo netekukhibika limema bahlali bakulesifundza seMpumalanga labanelikhono lekubhala kutsi bangenele umncintiswano wekubhala indzaba lemfisha ngelulwimi lweSiswati nelwesiNdebele. Sicocisana naNontsikelelo Zwane lomelele lelitiko

Ikomiti lebukele kusebenta kwa-ANC i-National Working Committee, iyahlangana lamuhla lapho kulindzeleke ibonisane ngetintfo letinyentana letitsintsa lenhlangano ikakhulukati indzaba yekukweshele eceleni kwemalunga labukene nemacala enkhohlakalo. Sicele umhlatiyi wetembangave Dr. Siphetfo Dlamini kutewubuka loludzaba.

Tifundza letisikhombisa betibambe lukhetfo lwekuvala tikhala kulo lonkhe lelive. Nesifundza seMpumalanga naso besibambe lolukhetfo. Simeme lokhulumela iIEC kulesifundza , Sibusiso Nkosi.

Kuleliviki umhlaba wonkhe bewubungata lilanga i-International Be Kind To Lawyers Day. Sicocisene nemmeli walapha eMbombela Thenjiwe Nkosi lophuma kuThenjiwe Attorneys ngekubaluleka kwalelilanga kubo njengebameli.

kunemibiko letsi kusuke umsindvo, kulwa emalunga eANC emhlanganweni we BGM yayo lenhlangano. Sikhulumisene nelibamba lamabhalane weANC kulesifundza seMpumalanga Lindiwe Ntshalintshali.

Likhabinethi lesifundza seMpumalanga lincume kufaka ngephansi kwesandla semlondvoloti masipala waseLekwa. Lokhulumela likhabinethi lesifundza Sasekani Manzini wenaba kabanti ngaletincumo telikhabinethi.

Takhamuti letancuma kuhlala ngaphandle kwemayini iLilly Mine njengendlela yekukhombisa kugongonyeka kwato ngekungakhishwa kwetihlobo tato letagcibedzeleka ngephansi kulemayini, tikhala ngekutsi tihlaselwe ngulaba lebabitwa ngema-"zama zama." Lomunye waletakhamuti lesikhulumisene naye ngu Henry Mazibuko.

Bososayensi baseBrithani batsi bantfu labasindze kulomkhuhlane weCovid 19 bavame kuphatfwa tifo letifana nekukhatsateka emoyeni, kukhohlwa kakhulu kantsi labanye bahlaselwa sifo sekufa luhlangotsi. Sikhulumisene naDr Eric Khumalo ngalolucwaningo.

Umhlaba wonkhe bewugubha lilanga lekuchwashisa ngesifo se-autism, i World Autism Awareness Day, mhla ka-2 April 2021. Batali labaningi kubatsatsa sikhatsi kubona nangabe umntfwana wabo analesifo lesibanga kungakhuli kwengcondvo yemntfwana. Sicocisene nalomunye make lonemntfwana lone-autism, ngu Sister Miriam Zahoor.

Bososayensi becwayisa ngekutsi lelive leNingizimu Africa kufanele litilungiselele kuhlasela kwelihlandla lesitsatfu kwemkhuhlane we Covid-19(Third Wave). Sicele Professor Mosa Mashabela loyi Deputy Vice-Chancellor kutekucwaninga eUniversity of KwaZulu-Natal kutokhuluma ngalendzaba.

Kunekudideka emangweni mayelana nesincumo semalunga eANC ephalamende sekuvota ngekuvumelana nesishukumiso senhlangano lephikisako lesimayelana nekusukunyiswa kweluphenyo lwekufuna kukhipha umvikeli wesive Busisiwe Mkhwebane esikhundleni. Eluhlelweni sikhulumisene nelisekela lasosiswebhu weANC kubaNdlakhulu, Doris Dlakude kutocacisela umlaleli ngalesincumo saKhongolose.

Iya ngekwandza imibiko lekhuluma ngekubhedvuka kwelihlandla lesitsatfu kwemkhuhlane iCovid-19 kulelive. Umbuto lomkhulu ebantfwini utsi angakanani ematfuba ekutsi loku kwenteke njengoba lelive selicalile kutfola imitsi yekuwugomela lomkhuhlane. Sikhulumisene nadokotela lotimele wakhona lapha kulesifundza seMpumalanga, Dr Eric Khumalo kutewubonisana ngalendzaba.

Kulandzela kukhishwa kwemiphumela yakamatikuletjeni kuleliviki, bafundzi labangakaphumeleli kumbe labangakasebenti kahle bakhutsatwa kutsi bangatibulali. Lesikhutsato sichamuka nemkhankaso lowatiwa ngekutsi yi #MatricUngazibulali lohlose kusita labo bafundzi. Kuwubuka kabanti lomkhankaso sicele lomunye webasunguli bawo Sanele Gamede.

I-Ningzimu Africa ingahle ibukane nenkinga yekushabalala kwetilwimi temdzabu. Ngekusho kwe-Pan South African Language Board (PanSALB) emakhaya lamanyenti akuleli akhetsa kusebentisa silumbi kunelulwimi labali munye ebeleni. Lilanga lamhla ka-21 Indlovana labekwa ngumhlabuhlangene njengelilanga lekuchwashisa ngekubaluleka kwekusebentisa tilwimi temdzaba. Namuhla sifuna kubuka kutsi yini lengetiwa kwetama kugcugcutela nekulondvolota letilwimi temdzabu kuze tingagcini setishabelele. Simeme sihlalo webhodi ye Silulu SeSiswati Dictionary Unit, Dr Sisana Mdluli kutewubuka kubaluleka nekutsi singalulondvolota njani lulwimi...

Tisebenti tasemayini iLily Mine ngase Barberton tivakalise kutemukela tindzaba letimayelana nekuvulwa kwalemayini. Lokhulumela tisebenti Harry Mazibuko utsi nanobe batemukela letindzaba kepha bakhatsatekile ngekutsi lelicebo lalemayini alichazi kutsi itawukhishwa njani le-container layagcibedzeleka netisebenti letintsatfu. Lenhlekelele yenteka eminyakeni lesihlanu leyengcile.

Kunemibiko letsi tingahle ticale kusebenta madvute timayini iLily Mine kanye Barbrook letise Louw's Creeck dvute neBarberton. E Lily Mine ngulapho kwambonyeka khona tisebenti letintsatfu takulemayini letisolo tisengakatfolakali kusukela kwadzilika umgodzi walemayini ngamhla ka-5 February 2016. Takamuva titsi umnikati wemayini iVantage Goldfields lephetse letimayini letimbili Mike McChesney sewutfola balingani labasha latawubambisana nabo ekuvuleni lemayini.

Inhlangano yebangcwabi kulelive seyivakalise kukhatsateka mayelana nekwenyuka kwesibalo sekushona kwetisebenti tasetinkapanini tekungcwaba ngenca ye Covid 19. Lenhlangano iphindze yakhala nangenkinga yekuswelakala kwemabhokisi emngcwabo ngenca yekuba banyenti kwebantfu lekufute bangcwatjwe ngeliviki. Sikhulumisene neMn. Muzi Hlengwa we-National Funeral Practitioners Association of South Africa kutosichazela ngemonakalo lodalwe ngulomkhuhlane kulemboni...

Umphatsi weligumbi lelicwaninga ngetifo etikweni letemphilo kulesifundza seMpumalanga, Hluphi Mpangane, ukhutsate bantfu kutsi bachubeke nekufaka tifonyo, bachelelane, bageze tandla futsi bangahlanganyeli emicimbini lemikhulu. Utsi loku kutawusita ekunciphiseni ematfuba ekungenwa ngulomkhuhlane weCovid 19 njengoba sewubuye ngemandla.

Tiyachubeka nekwenyuka tibalo tebantfu lebangenwa ngumkhuhlane we Covid 19 kulandzela kubhedvuka kabusha kwalomkhuhlane. Inyonyana iNehawu kulesifundza seMpumalanga seyivakalise kukhatsateka ngekwenyuka kwelizinga letisebenti tetemphilo letingenwa ngulomkhuhlane. Mabhalane weNEHAWU kulesifundza Welcome Mnisi usola hulumende ngekuhudvula tinyawo.

Njengoba umkhuhlane iCovid 19 uchubeka nekubulala bantfu emhlabeni kulandzela kucubuka kweligagasi lesibili, bohulumende bemhlaba baphisheke nekufuna likhambi lekugomela lomkhuhlane. Kantsi lelive leNingizimu Africa kulindzeleke litfola likhambi lekugoma(vaccine) kulomnyaka lotako. Simeme Dr Dr Velile Ngidi loyi Registrar e UKZN School of Medicine Public Health kutococisana ngaloludzaba.

I Road Traffic Infringement Agency (RTIA) - lekungumtimba lobukele kutiphatsa kwebashayeli emgwacweni - ivula lihhovisi lelitawusondzeta tinsita teAdministrative Adjudication of Road Traffic Offences (AARTO) ebantfwini lapha edolobheni iMbombela. Lelihhovis lekucala ngca kuba ngaphandle kwesifundza saseGauteng. Kutosichazela kabanti simeme iSenior Manager:Media and Marketing Relations, Umnumzane Monde Mkhaliphi.

Njengoba lamuhla kubanjwa lukhetfo lwekuvala tikhala kubomasipala iNkomazi neBushbuckridge kulesifundza seMpumalanga, sicele likhomishana lelukhetfo kulesifundza kutosicatsatela ngetakamuva. Sikhulumisene nalokhulumela lelikhomishana Sibusiso Nkosi kutewuva kutsi kuchubeka njani kuvota.

Kubanjwa lukhetfo lwekuvala tikhala kubomasipala iNkomazi Kanye neBushbuckridge kulesifundza seMpumalanga. Simeme lokhulumela likhomishana lelukhetfo kulesifundza Sibusiso Nkosi kutewuva kutsi batilungiselele kangakanani kuchubeka nalolukhetfo lamuhla.

Bantfu labanyenti bakulelive sebaya ngekukwetayela kutsenga online kulandzela kuvalwa kwekuyhaluka kwebantfu(lockdown) ngenca yemkhuhlane iCovid-19. Sikhungo iSABRIC secwayisa kutsi ngaletikhatsi temaholide ekuphela kwemnyaka netigebengu tigadla kakhulu ngaloko bantfu kufanele bacaphelisise nabatsenga online. Sikhulu sakaSABRIC Ronnie Zonke utsi emakhasimende kufanele anakisise , angamani akhiphe imininingwane yawo leyimfihlo.

Sifundza seMpumalanga kulindzeleke sibambe lukhetfo lwekuvala tikhala kubomasipala waseBushbuckridge kanye newaseNkomazi mhla tiyimfica kulenyanga lesetulu. Simeme lokhulumela likhomishana lelitimele lelukhetfo (IEC) kulesifundza, Sibusiso Nkosi kutosichazela ngalolukhetfo lwekuvala tikhala.

Bafundzi bakamatikuletjeni labaningi bayakhala ngesincumo selitiko lemfundvo lesiseko kanye nesikhungo seMelusi sekubaphindzisa liphepha le-maths ne-physics kulandzela kuputjuka kwalamaphepha lamabili nakubhalwa luhlolo lwekugcina. Sikhulumisene nesati setemfundvo sase-North West University, Prof. Mncedisi Maphalala kutewuva kutsi sibaluleke kangakanani lesincumo.

I Swaziland Solidarity Network (SNN) seyibite hulumende waseNingizimu Africa kutsi angavumi kwamukela Ndvunankhulu weleSwatini kutsi atowelashwa umkhuhlane weCovid-19 etibhedlela takuleli. Lokhulumela iSNN Lucky Lukhele utsi Ndvunankhulu wase-Swatini, Ambrose Mandvulo Dlamini ngekwesikhundla sakhe kuhulumende, kumenta abe yincenye yahulumende lobulele luhlelo lwetemphilo kulelalive. Utsi akelashwe khona eSwatini atobavisa bumatima lobubonwa ngeMaSwati nakaya etibhedlela tembuso.

Umphakatsi waseMjindini umashele esiteshini semaphoyisa kuyowetfula incwadzi-tikhalo lemayelana nebugebengu lobubhoke kuleyandzawo. Lemashi ilandzela kubulawa kwetitsandzani, letingenelwe endlini tadutjulwa ngulabasolwa ngekuba tigebengu. Sikhulumisene nalomunye webahleli balemashi Khansela Lifa Sithole.

Silulu SeSiswati Dictionary/Lexicography Unit sikhungo lesibukene nekubhala sichazamagama seSiswati kanye nekukhichita emabhuku ngenhloso yekulondvolota lulwimi lwesi-Swati. Sihlalo lomusha webhodi yeSilulu seSiswati Dr Sesana Mdluli ucela sive kutsi sibalekelele ekumelaneni netinsayeya lebabukene nato njengekuswelakala kwetimali tekuchuba lomsebenti busheleleti.

Inhlangano yebaholi bendzabuko itfukutsele igane lunwabu ngesimemetelo lesentiwe lisekela lendvuna yetekubusa ngekubambisana netindzaba tebaholi bendzabuko Obed Bapela lesitsintsa kumiswa kwelisiko lekusoka. Mengameli weContralesa Kgosi Lameck Mokoena ukhulume ehlelweni Letiphuma Embiteni emsakatweni Ligwalagwala FM kutsi batawuhlangana nemengameli kutewukhuluma ngaloludzaba.

Kudzilitwa emsebentini kanye nekungasebenti kuvamise kushiya tibati letinkhulu engcondvweni ikakhulukati nakute tinhlaka tekukwesekela.Lawa ngemavi alomunye wabodokotela bengcondvo Buyisile Mncina, longumetfuli tifundvo eWits University. Sikhulumisene naye eluhlelweni kubuka kutsi ngutiphi tindlela umuntfu langanciphisa ngato umonakalo longadaleka engcondvweni ngenca yalesimo sekudendwa emsebentini kumbe kungasebenti.

Inkantolo yemtsetfo-sisekelo incume kutsi tincenye letitsite temtsetfo lobukele kukhalisa labalimalele kanye nalabagulele emsebentini (Coida) tiphambene nemtsetfo-sisekelo. Lenkantolo itsi loku kungobe lomtsetfo utishiyela ngaphandle tisebenti tasetindlini leticashwe emakhaya angasese, kulabo lebachazwa "njengetisebenti". Kulesincumo lesikhishwe mhla ka-19 November 2020, lenkantolo itsite loku kusho kutsi tisebenti tasetindlini angeke tincesitelwe/tikhaliswe nangabe tibanjwa tifo kumbe tilimala nobe tifela emsebentini. Sikhulumisene nemhlatiyi wetetisebenti Bukani Mngoma kutosichazela kutsi sisho kutsini lesincumo.

Lamuhla njengoba tinsuku tingu 14 ku-Lweti 2020, umhlaba wonkhe uchwashiswa ngesifo sashukela. Ehlelweni Telive Atipheli simeme Dr Fhulufhelo Madzhiga kutewucatsatela umlaleli ngetindlela tekulwa kanye nekuvikela kungenwa sifo sashukela.

Kushushumbiswa kwebantfu kwenyukele ezingeni lelibabatekako kulelive leNingizimu Africa. Eluhlelweni Telive Atipheli sikhulumisene naKapteni Dineo Sekgotodi lokhulumela luphiko lwema-Hawks kulesifundza seMpumalanga kutewuchaza ngalesihlava.

Mabhalane weNEHAWU esifundzeni se Mpumalanga Welcome Mnisi, uchaza ngetinhlelo tabo letihlose kucindzetela hulumende kutsi abonelele tisebenti letingemahambembili kulomshikashika welulwa nemkhuhlane we Covid 19. Mnisi abekhulumisana nemetfuli weluhlelo Tiphuma Imphunga, Sibusiso Mahlalela ngaloludzaba….

The psychological impact of the Covid-19 pandemic on community members. A short interview with Dr Cebelihle Shongwe - Clinical Psychologist.