Basolwa labatsatfu lababukene netinsolo tekutfumba kanye nekubamba inkunzi timoto temali badutjulwe babulawa ngalesikhatsi badubulana nemaphoyisa e Parktown eJozi namuhla emini. Kuphatamisekile kuhamba kwetimoto nalapho tikhonjwe leminye imigwaco dvute nenyuvesi yase Jozi kanye nesibhedlela i Shallot Maxeke Academic Hospital. Bosolwati betigameko tebugebengu kanye nebelusito loluphutfumako bakhona endzaweni yesehlakalo. Liphini lakhomishana wemaphoyisa e Gauteng Fred Kekana utsi emaphoyisa, bekalandzela imoto yalabasolwa lebangakavumi kuma kodvwa kunaloko bavulela inhlavu kulamaphoyisa. Emaphoyisa ativikele nalapho adubule abulala labagibeli labatsatfu lebebahamba nge Audi Sedan lekusolakala kutsi yebiwe. Kekana ukhulume nebetindzaba endzaweni yesehlakalo e Parktown.........