Litiko letenhlalakahle kanye nesikhungo lesiholela timphesheni kulelive iSASSA lisenkantolo lebuyeketa emacala eBloemfontein, liyokhala ngesincumo senkantolo lenkhulu letfole kutsi tincabekelwane letitsite taloluhlelo lwesibonelelo tishiyela ngaphandle tigidzi tebantfu lebekumele ngabe bayahlomula. Kuva kutsi titsini letinye tinhlangano letilwela lebadla imbuya ngelutsi, simeme Vincent Skhosana longumphatsi weBlacksash eGauteng.