Kungalingani kwebantfu kulelive leNingizimu Africa kuyachubeka nanoma sekuphele iminyaka leminyenti kwabekwa imigomo lekuhloswe ngayo kwehlisa leligebe lelikhoma emkhatsini walabadla lizambane lapondo nalabaphuyile. Umbiko we Oxfam South Africa mayelana nekungalingani kwebantfu kulelive, uveta kutsi bangu 1% kuphela bantfu labaphetse umnotfo longu 56% lomusha lowakhiwa kulelive kusukela ngo 2019. Lombiko utsi kwehlisa lelizinga lekungalingani kungumsebenti wa wonkhe wonkhe. Sicocisane nemhlatiyi wetindzaba temnotfo lovela ka Inkunzi Wealth Group uMnuzane Lunga Mahlaba.