Indvuna yetimbiwa netivutsisi Gwede Mantashe ubite kutsi kube nekubambisana nekusebentisana emkhatsini wemave aseAfrica ngenhloso yekutfutfukisa nekukhulisa umnotfoi. Mantashe abekhuluma ngalesikhatsi avula ingcungcutselka yetimayini i-Investing in African Mining Indaba lebeyibanjelwe eKapa kuleliviki leliphelile. Mantashe utsite emave aseAfrica kufanele asungule budlelwane lobutawuzuzisa ekukhuliseni umkhicito etimayini futsi kube nenzuzo lephatsekako kuletimbiwa letitfunyelwa ngaphandle. Nanobe kunjalo, inyonyana iAMCU ivakalise kutsi kwasayona lengcungcutsela ichubeka nekuhlambalata lamave lekutfolakala kuwo lomcebo lombiwa phansi, Kubuka kutsi kukhona lekufezile lengcungcutsela yetimayini, simeme nemhlatiyi wetebasebenti, Umnumzane Bukani Mngoma.