Tibalo takamuva letikhishwe baka Stats SA tiveta kutsi lenyukile linani lebantfwana labakhulelwa basesebancane. Letibalo tikhombisa kutsi emkhatsini wa January nyakenye kanye na February lonyaka, kubelekiswe bantfwana labangu-123 000 labaneminyaka lesuka kulengu-19 budzala kuya phasi, lebafaka ekhatsi labangu- 2 108 lebaneminyaka lelishumi kuya kulelishumi nakune budzala.  Kukhuluma kabanti ngalesimo simeme Umphatsi weligumbi lelifundzisa bantfwana ngetemphilo ngaphansi kwelitiko letemphilo eMpumalanga, Make Dudu Shabangu.