MAKUMANE WIDOWS DAY (25/06/2025) Puisano e pakeng tsa sebohodi sa lenaneo la ditaba la Makumane , matsheuwa Mofokeng le Winkie Direko hotswa Lefapheng la ntshetsopele ya setjhaba Free State.Taba eo re e tsepamisetsang maikutlo hajwale ke ya letsatsi la matjhaba la bahlolohadi, mmoho le yona kgwedi ena ya bahlolohadi. Letsatsi lena le tshwawa ka la 23 Phupu selemo le selemo. Le hoja sehopotso sa letsatsi lena se qadile hoba ka selemo sa 2005, Mokgatlo wa Matjhaba a kopaneng/ UN o tjhaelletse monwana ho tshwawa ha letstasi lena ka selemo sa 2011. Letona la Lefapha la bophelo Free State, Monyatso Mahlatsi, le entse kgothalletso ya hore tlhokomediso ka letsatsi la matjahaba la bahlolohadi e matlafatswe, ho buuwe ka diphepetso tseo bahlolohadi ba tjamelanang le tsona. Mookotaba wa sehopotso sa letsatsi lena selemong sena ke " Uplifting Widows' Voices" eleng se bolelang hore "ho matlafatswe lentswe la bahlolohadi".