Puisano pakeng tsa sebohodi Dimakatso Folotsi le moqolotsi wa ditaba Sibahle motha, ka ditaba tse hlahelletseng Komisheneng ya Madlanga moo e utlwile hore lekala la Johannesburg Metro Police Department e leng JMPD la ditaba tsa ka hare lena le basebeletsi ba 38, feela ba ikarabellang diphuputsong tsa maitshwaro a hlephileng a le bobodu ho phatlalla lefapha leo. Ha jwale JMPD ena le basebeletsi ba ka bang 3000 ho isa ho tse  4000, e leng se bakang kgaello e kgolo le phepetso bakeng sa ditaba tsa tsa ka hare tsa lefapha. Hlooho ya JMPD ya ditaba tsa ka hare tsa lefapha, Superintendent Elmarie de Beer, e tekile bopaki ba hore mosebetsi wa lekala lena o dula o eketseha ka lebaka la mehato ya kgalemo, haholo holo dinyeweng tse amang batho ba sa iponahatseng mesebetsing e leng AWOL.