Om Wêreld Poësiedag te vier, praat ons met Lizelle Pike, wat die rol van Ingrid Jonker vertolk in die nuwe verhoogproduksie, INGRID - ‘N VLAM IN DIE SNEEU. Ingrid Jonker se woorde brand soos ’n vlam in die koue sneeu van haar tyd - onblusbaar, ongetem, en vol lewe. ’N VLAM IN DIE SNEEU neem jou op ’n reis deur die geheime en ongesensorde liefdesbriewe van Ingrid en André P. Brink. Dit weef hulle passie, verlange en hartseer saam met Ingrid se onsterflike poësie.