Ukuphalaka kweengazi, ukuthuthumba kweengidi, ukwetjiwa eentolo nokuguruzela zizinto ezazivamile eBophuthatswana hlangana nomhlaka 7 nomhlaka 12 ku-Ntaka ka-1994. Lezi zenzo zabaselwa simemezelo sikaLucas Mangope, bona isabelo seBophuthatswana ekhabe sakhiwe ngaphasi kombuso webandlululo , asizokuba yincenye yamakhetho, ekwakufuze abanjwe ngenyanga uSihlabantangana yena u-April lo ngalowomnyaka. Abasebenzi bembusweni ekubalwa hlangana, amapholisa namajoni, nabafundi beBophuthatswana University ngaloyomnyaka, nomphakathi nje wokana, bavuka inje ebovu, batjhagala, kwajama yoke into eMzimkhulu weBophuthatswana iMmabatho.
Abasebenzi behlangano yezokurhatjha i-Bophuthatswana Broadcasting Corporation, bawujoyina nabo umtjhagalo, kwazithusa kokugcina lokho iimphathimandla. U Joe Thugwana, uyithatha emvanyana indaba le, uza nayo ukufikela ekupheleni kwayo, akhe simuphe indlebe.