Kube nesehlakalo esibandakanya isiguli  somsanyana weminyaka elitjhumi nane ubudala, ogade asalinde ukufakelwa isibindi  kodwana uyise akhange avumele ukuthi  kwenziwe ihlelo lokumfakela  iingazi, ngenzathu zokobana lokho akukhambisani nekolo yeSondo lobo. Uyise lomntana lo utjhele isibhedlela bona amalungana womndanakhe akakavumeleki ukuthi akufakelwe iingazi , ngombana lokho kutjhayisana neKolo kunye nemithetho yeSondo labo.

Ngokutjho kukayise lomsanyana lo ,  ohlala KwaGuqa Emalahlelni eMpumalanga , ekuthomeni umsanyana lo ungeniswe esibhedlela i-Charllotte Maxeke eJwanisbhege lapha abodorhodere bafumane ukuthi izoso zakhe azisasebenzi kuhle.

Abodorhodere bafumane ukuthi umraro lo , ubangwe mraro wesibindi ofuna ukuthi kwenziwe ihlelo lokumfakela iingazi ngaphambi kokuthi asikwe , ngenzathu zokobana nakungenziwa ihlelo lokusika uzokuloba iingazi ezinengi, , nekuyinto uyise lomsana lo angakhange avumelane nayo.