Mphulaphuli, kwisiqendu sale nyanga, sikhangeleimingeni ejamelene nabatshakwanentathonxaxheba yabo kwinkquboyolonyulo. UMzantsi Afrika kulindeleke ubambeunyulo lukazwelonke kuCanzibe walo nyaka.

Mphulaphuli woMhlobo Wenene FM, kule nyanga sikhangele imingeni equbisana nabafundi kunyaka wokuqala kwiiyunivesithi zoMzantsi Afrika, ingakumbi kwimiqobo abajongene nayo ezifundweni, entlalweni nangokwasezimalini. Kwakhona, sikwabeke isithatha kwimingeni yenkxasomali efunyanwa ngabafundi abaninzi abaxhomekeke kwiNational Student Financial Aid Scheme (NSFAS).

Iphondo leMpuma Koloni lelinye kumaphondo oMzantsi Afrika anezikolo ezikumgangatho ongancumisiyo, nto leyo ibeka umngcipheko kukhuseleko labantwana.  Kwesi siqendu sale nyanga sino-Itumeleng Motlhabane oyiNtloko kwaEqual Education eMpuma Koloni, uBabalwa Kolongwana oyinqununu eGqala Primary eTsholomnqa, uWindiswa Jimana olilungu leSGB, uLali Kota ongutitshala eNgqeketho Primary eNgqeleni kwakunye noVuyiseka Mboxela othethela iSebe lezeMfundo eMpuma Koloni.

Eli lixesha lokuphela kweemviwo,  into ethetha ukuba, ikwalixesha apho abo baselula baye bazibandakaye notywala kwanezenzo zesondo elingakhuselekanga bakube begqibile ukubhala iimviwo. Inkqubombaliso yoMhlobo Wenene FM, Ezichaphazela Uluntu, kule nyanga, iqwalasela imikhwa ehamba nale mibhiyozo kwanobungozi bayo.  Kwesi siqendu,  sinoColonel Sibongile Soci wamaPolisa eMpuma Koloni, uTat’ uTshawe owabhujelwa ngumntwana kwisehlo saseNyobeni, uMnumzan’ uSowazi oneshishini lotywala kwakunye noMnumzan’ uMgwebi Msiya oyiNtloko yoNxibelelwano kwiBhodi yokuThengiswa koTywala eMpuma Koloni.

Kule nyanga kaOctober, eyiNyanga yezoThutho eMzantsi Afrika,  siqwalasela isimo seendlela zethu, kwanendlela ezichaphazela ngayo uthutho, uhanjiso lweenkonzo, impilo yoluntu,  kwaneenkonzo zikaxakeka kwiindawo esihlala kuzo, ingakumbi emaphandleni.  UMnoneleli Ncwane ukumzi wabangcwabi eMount Ayliff,  uSiyabonga Pambani ngumhlali kwiilali zaseXesi, uTat’ uJikijo eMthatha uthutha abantwana besikolo, ngelixa uZibele Cwele engumqhubi weeAmbulensi eMatatiele

Wathint' abafazi, wathint' imbokodo!Elo lilizwi lamanina ayekhokele umngcelele owawusingise kwiZakhiwo zoMdibaniso ePitoli ngoAugust ka1956, eyokujongana ngqo nenkqubo yorhulumente wobandlululo, kodwa xa kunamhlanje, oloo suku luyimbali lujike lwayimini yokuqwalasela imiba etshis'ibunzi kuMzantsi Afrika omtsha, efana nokuxhatshazwa kwamanina ngokubethwa nokudlwengulwa.

Umhla we18 kaJuly lusuku lokuzalwa lalowo wayenguMongameli wokuqala ontsundu woMzantsi Afrika, uTat' uNelson Rolihlahla Mandela, kwaye olu suku, ukususela ngonyaka ka2010, luye lwabekelwa bucala njengeNelson Mandela International Day - apho umntu nomntu uye athathe imizuzwana embalwa, ethabatha koko anako ukuze ancede lowo usweleyo, esenza oku ukugcina umqela nawayekholelwa kuko uMadiba.

Ezichaphazela Uluntu, inkqubombaliso yoMhlobo Wenene FM edlala rhoqo ngoMvulo wokugqibela enyangeni ngo 11:50  ngentlazane kuKhanyisa Kukhanye Mhlobo. Ulutsha lwango 1976 langena ezitalatweni lugqushalazela utshintsho kwimeko yemfundo yaloo maxesha, kodwa namhlanje, imingeni ejamelene nolutsha yohlukile, izinga lentswelangqesho kulutsha lixhomile, kwaye nedabi lemfundo yasimahla lisaqhubekeka. Le nkqubo mbaliso iqwalasela intswela ngqesho kulutsha olunemfundo enomsila kweli lo Mzansi Africa, ijonge imingeni ejamelene nalo. 

Siyakwamkela kwisiqendu sesibini senkqubo-mbaliso yoMhlobo Wenene FM ethi Ezichaphazela Uluntu.Kule nyanga kaCanzibe, inyanga yezabasenzi eMzantsi Afrika, sijonga abasebenzi abancedisa emakhaya (domestic workers).Ingaba kunjani ukusebenza njengomncedisi wasekhaya? Ingaba amalungelo akho njengomsebenzi osebenza ekhaya uyawaqonda? Khawuphulaphule kule podcast Mhlobo!

Kule nyanga kaApril, neyinyanga yokuqwalasela isimo seAutism Spectrum Disorder, sincokola nabazali abanabantwana abaphila nesi simo, sikhangela ukuba kunjani ukubangumzali onomntwana oneAutism kwaye yintoni yona le Autism?