Tshelede ya phentsheni musi wo I lavhelesa ndi nnzhi nahone I u nea maanda a u kanda vhathu u tshi vha vhona. Vho-Arina vho tou vhona fhedzi mbalo mbalo ya tshelede ine vha nga I wana arali vha tshi khou dirula mushumo. U tou vhona zwenezwo fhedzi, vho no shanduka mboho mudini. Nga vha dikande nga khudano hei, vha pfe uri mufumakadzi u pinela hani vhana na munna wawe nga hone u tou vhona figara ya tshelede ine a do I wana. Hu na vhukoni hafha ha Mashudu Precilla Nengwekhulu a no khou tamba sa Rofhiwa musidzana wa Vho-Arina, na Thendo Dzivhani, u bva kha la Ngovhela, a no khou tamba sa Ngelekanyo, nwana a muthannga wa Vho-Arina. Tsho, ndo todou hangwa, ipfi le vha li tuvhesa kha dirama dza Phalaphala Fm ndi la Hangwelani Hebron Sigwavhulimu, u bva kha la Ngovhela, vha mu divhesa nga la Maphophe kha soapy I KHOU KHIDZHANA. Ndi nunununu fhedzi hafha.

Hei ndi nganeathevhekani ntswa kha Phalaphala Fm yo thomaho u tamba nga la mbili Fulwana.
Yo bveledzwa nga Madala Mashamba, mubveledzi wa zwa thekheniki ndi Vho-Pat Raphunga, ngeno muhulwane wa vhubveledzi e Seremane Albert Tshivheaho Mathivha.
Ndi nganeathevhekani yo nwalwaho nga lidzhakandila siani la manwalo a Tshivenda o no nwalaho bugu dzi fhiraho mahumi mararu na thanu na mbili dzi no khou vhalwa zwikoloni kathihi na u vha murado wa bodo ya luambo lwa Tshivenda.
Seli ha Musengavhadzimu sa thoho, I khou amba nga ha zwi re phanda ha musengavhadzimu. Musengavhadzimu sa zwine ra u divhisa zwone, a wo ngo naka zwone, u vhonala u a vhonala, fhedzi zwauri wo thoma ngafhi wa guma ngafhi u nga si zwi talukanye. * musi wo dirula mushumo. Fhedzi u tamisa ha tshelede yeneyo zwi fhelela kha u tamisa hayo I sa athu u vha tshandani tshau. Ya vhuya ya vha tshandani tshau na he ya fhelela a hu nga zwi vhoni. Zwa fana-ha na Musengavhadzimu, u u vhona u kule, u sendela tsini nawo wa u fara a zwi konadzei.
Hafha hu khou kaidzwa vha no khou litsha mishumo vho lavhelesa tshelede yeneyi. Vhanzhi vha khou I xaya sa mahuyu vha hangwa uri hu na la matshelo. Vho no I xaya, vha vhuya hafhu vha folela mundende wa vhakegulu na vhakalaha, zwithu zwi sa shonisi zwone kha muthu we a vha a tshi nga zwi kona u divhetshela masheleni awe a tshila zwavhudi a si vhe muhwalo kha muvhuso.
Kha vhatambi yo hwala yo inga nganeathevhekani hei, hu na Arina, muanewa dendele – Lufuno Margaret Mathalise (u bva kha la Nzhelele, Tshavhalovhedzi), Galavhanda – Hebron Sigwavhulimu kha la ha Tshivhasa, Ngovhela), vha mu divha sa Maphophe kha soapy ye ya tamba kha Phalaphala Fm. Hafha vha do pfa nununu yone mune wa dzina. Thinawanga Magidi, u bva kha la Gondeni a no khou tamba sa Vho-Dzhasi meyara na vhanwe vhanzhi.

Hei ndi nganeathevhekani ntswa kha Phalaphala Fm yo thomaho u tamba nga la mbili Fulwana.

Advertisement