Dia Boa

Motlhagisi: Thapelo Nkutha. 

Motlhagisi: Thapelo Nkutha. 

Motlhami wa Naomi M Foundation ga mmogo le Kananelo M Trust, Tshegofatso Naomi Mosiane, ke Mmabontle ebile o bone kabo ya Personality award mo kgaisanong ya Mrs Universe Africa

Vice Chancellor of Unisa Professor Puleng LenkaBula o bua le rona ka seabe sa Bishop Tutu re totile dithuto tsa gagwe ga mmogo le seabe sa gagwe ka kakaretso.

Re buisana ka seabe sa Arch Bishop Desmond Tutu mo tlhabologong ya dikereke, mo tlhabologong ya Aforika Borwa ga mmogo le seabe sa gagwe mo kgololosegong ya naga ya rona. Arch Bishop Desmond Tutu o tlhokafala a le dingwaga di le 90. Ka letsatsi la gagwe la matsalo re ile ra ama seabe sa gagwe re totile tumelo ya gagwe mo go seo se itsegeng jaaka Rainbow nation, e leng bokgoni jwa go kopanya merafe yotlhe go nna seopo sengwe morago ga 1994. Frank Lekaba ke moeng wa rona mme kemotlhatlheledi kwa North West University Vaal Campus.

Re buisana le Thabo Malema yo e leng lekawana le letswang kwa Mabopane Block D. Re bua le ene gompieno ka ntlha ya fa a le karolo yaSeries e e tlileng go simolola mo bokhutlong jwa beke mo SABC 1, African Dreams. Thabo o nale BA Degree in Live performance go tswa kwa AFDA mme osetse a ikagetse leina mo televisioneng jaaka a kile a diragatsa mo di filming tse di akaretsang Kalushi, 1 Detective Agency, A Million colours ga mmogo le White lion.

Re buisana le Tellaman yo eleng karolo ya Def Jam Africa. Ke seopedi ebile ke mokwadi wa dipina. O tsetswe kwa Durban mme o simolotse go dira mmino semmuso a le dingwaga dile 15. Tshono ya gagwe e tona o e bone ka ngwaga wa 2014 fa a ne a dira le lekgotlhakgatiso la Soul Candy. O kgonne go dira le batlhagisi ba ba itsegeng thaata mo nageng ya rona ga mmogo le kwa dinageng tse di akaretsang Netherlands le UK.

Re buisana le Babili Aymos Shili mme nna le wena re mo itse ka stage name sa gagwe sa Aymos. O simolotse go opela kwa kobamelong ga mmogo le kwa sekolong moo a kgonneng go simolola setlhopa sa gagwe sa mmino gone. Ke lekau le le tsetsweng le go golela kwa Tembisa mme o bone tshono ya go dira mo music industry semmuso morago ga go dira le Mas Musiq “Zaka Zaka”. Ke lentswe leo le opelang dipina di tshwana le Risasekile, jemeni, Bambelela, Iparty yam magareng gat se dingwe. Re bua le ene gompieno ka ntlha ya fa a golotse album ya Yim Lo.

Re buisana le Tona ya Lefapha la Communication and Digital Technologies Mme Khumbudzo Ntshavheni ka Analogue Switchoff Awareness campaign

Re buisana le Kgomotso Mokgothu yo o nang le type 2 Bipolar. O ntse a bona thuso e maleba go simolola ka ngwaga wa 2015, mme ka go dira jalo o kgonne go aga botshelo jwa gagwe sentle morago ga go leka go tsaya botshelo jwa gagwe mo malobeng. Ga jaana ke morotloetsi ebile o tsweletse go tsibosa basha ka botlhokwa jwa go tlhokomela itekanelo ya tlhaloganyo

Re buisana le Shimza jaaka a golotse EP ya gagwe e e bidiwang Fight to love. Dingwe tsa dipina tseo di akareditsweng mo EP ya gagwe di dirilwe di remix ke Louie Vega ga mmogo le Floyd Levine. Jaaka re ya re lebile Festive Season, mongwe le mongwe o ntse a bua ka Kunye mme EP eno le yone e tlhagisa bokgoni jwa Shimza go godisa mmino wa Afro Tech mo Aforika Borwa ga mmogo le go ralala lefatshe.

Re buisana le KO yo o golotseng pina ya gagwe ya Playback. O golola pina eno morago ga letsatsi la gagwe la matsalo ka laboraro o re tswang kwa go one. Re ntse re itumelela dipina di akaretsa Supa Dupa, Lucky Star ga mmogo le K-Hova go fitlha ga jaana. O ntse a bua ka kgololo ya album ya gagwe pele ngwaga o ya fifing.

Lefapha la Thuto ya Motheo le ne le keteka boineelo le bokgbane jwa barutabana mo tirong ya bona le mo maemong a re ipitlhelang re le mo go ona a covid19. Re dira jalo ka go buisana le mofenyi yo o tshwailweng jaaka morutabana yo o gaisang mo serutweng sa dipalo, Rre Onkabetse Mohitlhi.  Dipalo di kaiwa jaaka sengwe sa dirutwa tse di boima le mororo barutwana ba rotloediwa thata go ditlhopa gonne di bula dikgoro di le dints its aditshono

Re buisana le Setlhopa sa mmino wa Setswana e leng Dinonyane Cultural Group. Ke setlhopa sa basha ba ba tswang kwa toropong ya Jouberton mme se simolotse ka ngwaga wa 2009. Baopedi ke Lebogagang Lejaba, Zandile Bangani, Moeketsi Shuping, Nomalanga Bangani, Thami Manone, Thandi Monyane, Thandeka Maiketso, Mpho Mothupi ga mmogo le Rethabile Chabeli.

Re buisana le Frank Lekaba ka seabe sa Archbishop Desmond Tutu jaaka moeteledipele ga mmogo le molwela ditshwanelo tsa botho. Karolo ya gagwe ka kakaretso mo ntweng kgatlhanong le puso ya tlhaoleele, ebile re keteka letsatsi la gagwe la matsalo jaaka a le dingwaga dile 90.

ba Dlozi Ukuthwasa Bursary Scheme, mme tiro ya bone ke go tshegetsa basha bao ba nang le pitso ya semowa fa ba tlhoka matlole a go tswelela ka ikatiso ya go nna dingaka tsa setso. Re bua gole gontsi le Gogo Charmaine Mdawo.

Re buisana le mongwe wa basadi ba ba tsweletseng pele mo nageng ya rona ya Aforika Borwa. Go tsweng kwa Soweto ga a kitla a leba kwa morago go fitlhela a bona ditoro tsa gagwe di fetoga nnete. Ke motlhami wa Mbokodo awards tseo di akgolang tiro entle e e diriwang ke basadi mo nageng ya rona. O nale Carol Bouwer productions e e tsentseng letsogo mo go tsa television mme o tlhagisitse dithulaganyo di tshwana le Motswako, The A list, Hooked ga mmogo le The final verdict magareng ga tse dingwe. Re bua jaana e le Special Advocate for UNICEF South Africa’s Influential women Forum.

Re buisana le Angela Atlang go tswa kwa nageng ya Botswana. Seo se itumedisang ke ntlha ya gore o bone tiro mo Muvhango mme o tlile go tshameka karolo ya Itseng Motsamai yo eleng nnakagwe James Motsamai. Angela o nale Bachelor of Theatre Arts go tswa kwa University of Botswana mme re simolotse go mmona mo Muvhango mabane bosigo. Re bua le ene ka go bona tshono mo Aforika Borwa ga mmogo le leeto la gagwe ka kakaretso.

Re buisana le mongwe wa makgarebe a a nang le bokgoni jwa go bua dilo jaaka dintse. Jackie Phamotse ke mokwadi wa dibuka, mmakgwebo ga mmogo le social activist, go akaretsa le go nna seo se re itseng jaaka philanthropist.  Ka 2017 ke fa a tlagelela ka magetla ka nako eo a neng a golola novel e e bidiwa Bare: the blessers’s Game e e ileng ya bona kabo ya African Icon Literary Award kwa Nigeria ka ngwaga wa 2018. Mme go tlogeng foo re ile ra bona a golola buka ya Bare: The cradle of the Hockey club. Mo ngwageng o o fitileng Google e ne ya tlhagisa fa Jackie ele mongwe wa batho bao ba tlhagelelang kwa godimo fa re leba di search tsa ngwaga 2020. Mo ngwageng o o fitileng o ile a fenya gape kabo ya Woman of Wonder Award ka ntlha ya go kgaratlhela ditshwanelo tsa basadi a dirisa lentswe le kokwadi jwa gagwe.

Re buisana le Godfather of Deep House, mme nna le wena re ba itse jaaka Deep House Music Gurus. Masia Mashapa ke ene yo o simolotseng Godfada recording label, e e tlhagisang le go tsweletsa mmino wa deep House music mo nageng ya rona. Tsala ya gagwe Victor Ngcongwana ke fa le ene a bona fa gole maleba go dira le  Masia go tsweletsa mmino wa Deep House mo Aforika Borwa ga mmogo le kwa dinageng tse dingwe tse di leng kwantle. Kgwedi nngwe le nngwe re amogela mmino go tswa mo go bone ebile ba neela batlhagisi ga mmogo le diopedi tshono ya go godisa mmino wa bone.

Ga gona gore re ka bua ka Katlego ya Borrakgwebo ba ba dirang ditlhako mo nageng ya rona kwantle ga go akaretsa liena la Theo Baloyi. Bontsi jwa basha bo simolotse go tlhagisa ditlhako tse eleng tsa bone morago ga go bona Katlego ya Theo Baloyi yo o ileng a simolola kgwebo ya gagwe ya Bathu.  Theo o simolotse leeto la gagwe ka ngwaga wa 2015 mme ga jaana o nale mafelo a feta 26 a a rekisang ditlhako tsa gagwe. 

Re buisana le Moeder Mogoerane yo eleng moithuti wa Maloba wa kwa Barolong High School. Baithuti ba kwa Barolong High school le bone ba ile ba tswa letsholo go kopana le baithuti ba bangwe ba dikolo tse di latelang: Kebalepile High School, Batswana Training and Commercial High School ga mmogo le Boitsanape Technical High School. Moeteledipele wa baithuti ka nako e o, e ne ele Moeder Mogoerane yo o neng a eme baithuti ka lefoko go tswelelapele ka ditshupetso sebaka sa beke.

Re buisana le Mbali Zulu yo eleng mothei wa #WeUprising Youth. Mokgatlho ono ke o o tshegetsang basha ka kakaretso re totile dikgwetlho tseo ba kopanang le tsone. Jaaka re keteka dingwaga dile 45 tsa Soweto Uprising kamoso, #WeUprising youth bam o letsholong la go tshegetsa dikgwebopotlana tseo di amilweng ke diphethogo tseo di tlhodilweng ke COVID19. Moono wa bono mo ngwageng ono ke #WeRiseTogether ka maitlhomo a go tsweletsa seo ba se simolotseng dingwaga dile lesome tse di fitileng.

Jaaka re keteka kgwedi ya basha re tshwanetse go leba karolo ya bone ya go tsholetsa ga mmogo le go tsweletsa setso sa rona. Re ithuta gole gontsi gompieno jaaka moeng wa rona ele Kgosana Itumeleng Shole. Kgosana Shole o tswa kwa ntlong ya Segosi sa Batloung ba ga Shole. Ke Tlou ya Batlhako le Bapo. Re leba botshelo jwa gagwe jaaka Kgosana e e ipelang ka se gaabo, ebile a rata tlhabologo ya morafe wa gaabo ga mmogo le botshelo ba basha ka kakaretso

Re buisana le Cassper Nyovest ka Katlego ya gagwe mo dingwageng dile lesome tse di fitileng. Re amile ntlha ya kgololo ya album ya gagwe e e bdidiwang Sweet and Short 2.0 mo ngwageng ono.

Re buisana le Stino Le Thweny ba e leng baopedi ba mmino wa hip hop. Re ba itse ka pina ya bone ya Mshimane ga mmogo le ya Tsele. Ba setse ba kgonne go dira le batho ba tshwana le Khuli Chana, K.O ga mmogo le Kwesta. Ba golotse pina ya bone ya sesheng e e bidiwang tsele mo bekeng

Re laleditse Tumelo Dichabe go buisana le rona ka ditshono tseo basha ba ka nnang karolo ya tsone mo nakong eno ya tlhokego ya ditiro. Mokgatlho wa Youth Ideas Development ba simolotse seo se bidiwang textile programme go neela basha bokgoni mo go tsa fashion, go dira diaparo, leather goods ga mmogo le go tlhagisa masela. Jaaka mosha o tlile go newa ikatiso ya ngwaga o nosi fa kopo ya gago e atlegile.

Thotloetso go tswa go Bishop Moratehi Sekete mme o bua ka go itshwarelano